“Cənubi Qafqazda gərginlik artmışdır, Ermənistan hökumətinin Ramil Səfərov məsələsi ilə bağlı sonuncu müharibə hədələri isə bu gərginliyi daha da artıra bilər”.

Avropa Azərbaycan Cəmiyyətindən bildiriblər ki, bu bəyanatla Böyük Britaniya və Şimali İrlandiya Birləşmiş Krallığı Parlamentinin icmalar və yerli hökumət komitəsinin üzvü Bob Bləkmən çıxış etmişdir.
Bəyanatda deyilir: “Regionda vəziyyəti alovlandırmaq istəyənlər Səfərovun azad olunması məsələsindən sui-istifadə edirlər. Lakin biz yadda saxlamalıyıq ki, Ramil Səfərovun ekstradisiyası Avropa İttifaqının qanunvericiliyi çərçivəsində həyata keçirilmişdir. Münaqişənin daha da alovlanmasından hər bir cəhdlə qaçmaq lazımdır. Hər iki tərəf birgə masa arxasına keçməli və Birləşmiş Millətlər Təşkilatı Təhlükəsizlik Şurasının məlum 4 qətnaməsinə əsasən sülh danışıqlarına başlamalıdır”.