Azərbaycan milli dramaturgiyasının banisi Mirzə Fətəli Axundzadənin 200 illik yubileyinin təntənəli surətdə keçirilməsi üçün Şəkidə tədbirlər başlayıb.

Mütəfəkkirin yubileyi münasibətilə elmi konfrans, seminarlar təşkil edilib. Ədibin adını daşıyan parkda abadlıq işləri görülüb. Bununla yanaşı, regionda 600 yerlik yay teatrının tikintisi də başa çatmaq üzrədir.

Qeyd edək ki, Mirzə Fətəli Axundzadənin 200 illik yubileyinə həsr olunan bayram konserti ədibin ev muzeyinin açılışı ilə başlayacaq. Mərasim çərçivəsində kitab bayramının keçirilməsi də nəzərdə tutulur.