Türkiyədə yaşayan Azərbaycanlılar və milli fallar İranın Türkiyədəki səfirliyi qarşısında aksiya keçirdilər. Onlar İran dövlətinin Azərbaycan Türklərinə qarşı yeritdiyi asimilasyon siyasətinə son verməsini tələb etdilər.
İran adlanan ölkədə yaşayan Azərbaycan Türklərinin ana dilində təhsil almaq yasağının qaldırılmasını tələb edən aksiya iştirakçıları İran səfirliyi qarşısında “Mənim dilim ölən deyil,fars dilinə dönən deyil” kimi şüarlar səsləndirdilər.
Aksiya iştirakçılarında mətbuata açıqlama verən Güney Azərbaycan Türkü Şərifə Cəfəri söylədi ki, Türk dilində həyata keçrilən istənilən bir mədəni məqsədli fəaliyyət İranda həmən rejim tərəfindən basqılara məruz qalır. Şəfiqə xanım həmçinin qeyd etdi ki,bizlər, yəni aksiya istirakçıları İranda Azərbaycan Türkcəsinə qarşı tətbiq olunan qadağan siyasətinin bir an əvvəl dayandırılmasını və İranın Güney Azərbaycan Türklərinə qarşı tətbiq etdiyi asimilasyon siyasətinə həmən son verməsini tələb edirik.
Yarım saata kimi davam edən aksiya mətbuata verilən açıqlamadan sonra hadisəsiz sona çatdı.