Onların hansı ittihamlarla həbs edildiyi bəlli deyil


İranın keçmiş prezidenti, Sistemin Məsləhətini Müəyyənləşdirən Qurumun rəhbəri ayətullah Haşimi Rəfsəncaninin oğlu Mehdi Haşimi sentyabrın 24-də Tehran prokurorluğunda dindirildikdən sonra həbs edilib.

“Media forum” saytının məlumatına görə, o, Tehranın Evin zindanına aparılıb. Mehdi Haşimiyə hansı ittihamların irəli sürüldüyü haqda məlumat yayılmayıb.

3 il mühacirətdə yaşayan Mehdi Haşimi sentyabrın 24-nə keçən gecə ölkəyə qayıdıb və Tehranın hava limanındaca prokurorluğa rəsmi dəvət alıb.

Sentyabrın 22-də isə Rəfsəncaninin qızı Faizə Haşimi həbs edilib.