Marneuli bələdiyyəsində ümumilikdə 74 məktəb fəaliyyət göstərir. 2020-ci ildə Marneuli miqyasında 13 məktəbdə infrastruktur işləri həyata keçiriləcək. Bu barədə Marneuli meriyası açıqlama veribdir. Məktəblərin əksəriyyətində əsasən dam örtüyü və qapı-pəncərələrin dəyişdirilməsi planlaşdırılıb. Məktəblərin və həyata keçirilən infrastruktur işlərinin siyahısını təqdim edirik:
Marneuli şəhər 8 saylı ictimai məktəbi – daxili qapıların və dəhlizin pəncərələrinin dəyişdirilməsi.
Sadaxlı kəndinin 1 saylı ictimai məktəbi – dam örtüyü və qapı-pəncələrin dəyişdirilməsi.
Keşəli kənd ictimai məktəbi – dam örtüyü və qapı-pəncələrin dəyişdirilməsi.
Baydar kənd ictimai məktəbi – qapı-pəncələrin dəyişdirilməsi və yeni elektrik xətlərinin çəkilməsi.
Ağkörpü kənd ictimai məktəbi – dam örtüyü və qapı-pəncələrin dəyişdirilməsi.
Təzəkənd 2 saylı ictimai məktəbi – dam örtüyü və qapı-pəncələrin dəyişdirilməsi.
Qırıxlı kənd ictimai məktəbi – dam örtüyü və qapı-pəncələrin dəyişdirilməsi.
Marneuli şəhər 6 saylı ictimai məktəbi – daxili qapıların dəyişdirilməsi.
Qullar kənd ictimai məktəbi – (Aşağı Qullarda yerləşən bina) dam örtüyü və qapı-pəncələrin dəyişdirilməsi.
Kirəç-Muğanlı ictimai məktəbi – istilik sisteminin quraşdırılması.
Ulaşlı kənd ictimai məktəbi – ayaqyolunun tikilməsi.
Marneuli meriyasından verilən ictimai məlumatda o da qeyd olunub ki, 2020-ci ildə Kirovka kənd məktəbində ayaqyolunun 2019-cu ildən başlanılmış tikintisi, Saimerlo kənd məktəbinin həyətində yenidənqurma işləri, Marneuli 6 saylı ictimai məktəbində həyətin boyanması və Marneuli 3 saylı məktəbində kiçik futbol və basketbol meydançasının tikilməsi işlərinin başa çatdırılması planlaşdırılır.

DAVAM.AZ
“Tiflis Bürosu” (Gürcüstan)