“Azərbaycanla Avropa Birliyi arasında viza rejiminin sadələşdirilməsi və readmissiya ilə bağlı danışıqlar davam etməkdədir.”

Bu məlumatı jurnalistlərə Azərbaycan Xarici İşlər Nazirinin müavini Mahmud Məmmədquliyev verib.

Onun sözlərinə görə, viza rejiminin sadələşdirilməsinə dair növbəti görüşün noyabrda Bakıda keçirilməsi planlaşdırılır.

Nazir müavini bildirib ki, görüşdə həm viza rejiminin sadələşdirilməsi, həm readmissiya məsələləri müzakirə olunacaq: “Bunlar bir-biri ilə bağlı məsələlərdir, ona görə müzakirəsi bir yerdə aparılmalıdır. Avropa Birliyinin mövqeyi ondan ibarətdir ki, hər iki məsələ üzrə saziş bir yerdə qüvvəyə minsin”.