Çeşmäküündä geçti «Merțișor Gagauziyada — 2020» regional festivali. Yaşayannarı hem musaafirleri kurucular sevindirdilär halk ustacıların sergisinnän hem konţert programasınnan. Onda pay aldılar Gagauziyanın hem Çeşmäküüyün anılmış kollektivleri. Taa derindän sıradakı süjetımızda. Sergiyi «Merțișor Gagauziyada — 2020» festivalinä hazırladılar Valkaneş kasabasının gimnaziyasının, liţeyin, uşak başçasının hem yaradıcılık evin üürenicileri.
Yortulu konţerttä pay aldılar Gagauziyanın anılmış artistleri. Kultura evin zalasında toplandı pek çok insan.Yortunun simvolu sayılȇr millet rubalarlan kukla. Gagauziyanın kultura hem turizma bakannıın başı Marina Semönova haberledi, ani her yıl dolaydakı festival geçirlenecek avtonomiyada eni kasabasında yada küüdä.
Anna Zltatovçena, Kirsovo küüyün kultura evin öndercisi: «Çok saa olun teklif için. Hepsini kutlȇȇrım yortuylan. Alla versin hepsinä saalık hem da varlık aylelerdä. İlkyaz zamanın ilk gününnän». Merțișor festivali avtonomiyada geçti şindän sora 4 – cü keret.

DAVAM.AZ
“Komrat Bürosu” (Qaqouz Yeri)