Təbriz sakini azərbaycanlı milli-mədəni fəal Həmidrza Rəncbər məhkəmə tərəfindən həbs və şallaq cəzasına məhkum edilib.

Bu barədə yerli insan haqları mənbəsindən, İranda beynəlxalq insan haqları kampaniyasına məlumat verilib. Mənbə təhlükəsizlik səbəbindən adının açıqlamasını istəməyib.

Məlumata görə, Rəncbər Təbrizin inqilab məhkəməsi tərəfindən 3 il həbs və 74 zərbə şallaq cəzasına məhkum edilib. Azərbaycanlı fəal və Tehran azad universitetinin öyrəncisi barəsində çıxarılan qərar, dünən sentyabrın 26-da onun vəkili Fərhad Yəzdaniyə elan olunub.

Mənbə bildirib ki, adını çəkdiyimiz azərbaycanlı fəal keçən il Azərbaycan şəhərlərində keçirilən kütləvi etirazlar zamanı tutuqlanıb və 3 ay müddətinə həbs edilib.