Bakının “Səbail” futbol klubunun oyunçusu Orxan Qurbanlı karyerasını ölkə xaricində davam etdirəcək.
Paytaxt komandasının rəsmi “Facebook” səhifəsi xəbər verir ki, 24 yaşlı yarımmüdafiəçi Latviyanın “Daugavpils” klubuna transfer olub.

O.Qurbanlı mövsümün sonunadək icarə müqaviləsi əsasında bu komandada çıxış edəcək.

Qeyd edək ki, Orxan Qurbanlı əvvəllər 21 yaşadək futbolçulardan ibarət Azərbaycan yığmasında oynayıb .