Gürcüstanda koronavirusa şübhəli bilinən 140 nəfər karantin nəzarətindədir.

Bu barədə Gürcüstan hökumətinin yaratdığı stopcov.gov.ge saytı məlumat yayıb.

Məlumatda deyilir ki, daha 42 nəfər stasionar müalicə alır. Koronavirusa tutulması təsdiq olunmuş xəstələrin sayı isə 9 nəfərdir. Onlardan birinin vəziyyəti ağır olaraq qalır.
Ümumiyyətlə, karantində olmuş 162 nəfərdən 20-si, stasionarda müalicə olunan 45 nəfərdən isə 3-ü evə buraxılıb.