İllər uzunudur panfarsçılar Azərbaycan türklərini farsların bir ləhcəsi kimi dünyaya sırmağa çalışır

. Bunun üçün o, Güney Azərbaycan türklərinin milli varlığını danıb. Milli assimilyasiya və irqi ayrı-seçkilik siyasəti yürüdən Tehran Azərbaycan türkcəsində indiyədək bir sinif belə açmayıb.

Davam.az-ın Güney Azərbaycandan olan informasiya vasitələrinə istinadən məlumata görə, ötən gün Azərbaycanın Bina bögəsindən olan deputat Məhəmməd Baqiri 6-cı sinif şagirdlərinin dərslik kitabındakı mətnlərin təəssüf doğurduğunu bildirib: «Ana Yasanın girişində yazılıb: «İslam İnqilabının təməl özəlliyi onun islam məktəbinə söykənməsidir».Mən başa düşmürəm İran məktəbləri Təhsil Nazirliyinə necə nüfuz edib? Əfsuslar olsun ki, 1400 ildən sonra bəziləri hələ də əhalini «İran milləti» və fars dilli sayır. Onların islam dinini ölkənin vəhdət amili kimi nə üçün qəbul etməmələrini başa düşmürəm».

Məhəmməd Baqiri «Qurani-Kərim»in bütün müsəlmanları vahid ümmət kimi tanıdığını xatırladaraq, əlavə edib:«Dərslikdəki mətnlər İslam ölkəsində milli birliyin pozulmasına səbəb olur. Ona görə də hamı bilməlidir ki, fars dili bizim milli kimliyimiz göstəricisi deyil».