Özbəkistanda koronavirusa yoluxanların sayı 8 nəfərə çatıb.

Özbəkistan Səhiyyə Nazirliyinin mətbuat xidməti xəbər verir ki, ölkədə ilk koronavirus Parisdən Daşkəndə gələn bir qadında aşkar edilib. O qadın, həyat yoldaşı, oğlu, qızı və nəvəsini də bu xəstəliyə yoluxdurub. Bu gün isə qadının bir qohumunda bu virus aşkar olunub.

Martın 14-də Londondan, 15-də İstanbuldan Daşkəndə uçan daha iki Özbəkistan vətəndaşında da bu virus tapılıb.

Son məlumata görə, dünyanın 140 ölkəsində 170 min adam bu virusa yoluxub, bunun 6,5 mini ölüb, 75 mini sağalıb.