Milli Məclisdə Ramil Səfərovla bağlı beynəlxalq təşkilatlara və parlamentlərə Azərbaycan parlamentinin mövqeyini bildirmək üçün yeni komissiya yaradıldı.
Plenar sessiyanın ilk iclasında Milli Məclisin sədri Oqtay Əsədov bu təkliflə çıxış etdi.

Komissiyanın sədri Valeh Ələsgərov, üzvləri Fərəc Quliyev, Rəfael Cəbrayılov, Qüdrət Həsənquliyev, Mübariz Qurbanlı, Rasim Musabəyov, Sədaqət Vəliyeva oldular.

"Son dövrlər Azərbaycan Ordusunun zabiti Ramil Səfərovun azadlığa buraxılması ilə bağlı təzyiq göstərilməsi cəhdləri var. Bu cəhdləri, qəbul olunan bəzi qərəzli sənədləri qabaqlamaq üçün belə komissiyanın yaradılması vacibdir", - sədr dedi. /Trend/