Rusiyanın Yekaterinburq şəhərində start götürmüş iddiaçılar turnirinin rusiyalı iştirakçısı Aleksandr Qrişuk yarışın sona çatacağına inanmadığını bildirib.

“chess news ru” saytı bildirir ki, şahmatçı bu barədə mətbuata verdiyi açıqlamasında vurğulayıb. O qeyd edib ki, qələbəyə köklənsə də, koronavirusla bağlı xəbərlər artıq narahatlıq yaradır. Şahmatçı turnirin başa çatmamam ehtimalının böyük olduğunu bildirib. A.Qrişuk bu təhlükəli xəstəliyin artıq Rusiyada yayılmasından narahatlığını da dilə gətirib.

Qeyd edək ki, martın 17-də Rusiyanın Yekaterinburq şəhərində dünya şahmat tacı uğrunda norveçli çempion Maqnus Karlsen ilə qarşılaşacaq idmançını müəyyənləşdirəcək iddiaçılar turnirinə start verilib.