İranda milli valyutanın əsas xarici valyutalara qarşı rəsmi və «qara bazardakı» məzənnəsi xeyli aşağı düşüb.

İran rialı 15% dəyərdən düşüb, qızılın qiyməti isə 13% bahalaşıb.

Hazırda ölkə daxilində 1 ABŞ dolları 3500, 1 avro isə 4560 tümən məzənnəsi ilə dəyişdirilir, 1 İran sikkəsinin qiyməti isə 1,325 mln. tümənə çatıb. Ümumilikdə, son bir həftə ərzində rialın məzənnəsi 25% düşüb. Ötən həftənin əvvəlində 1 dollar 2 460 rial olub. Halbuki İran hökuməti ötən həftə «məzənnə mərkəzi» yaratdığını və bunun hesabına rialın məzənnəsinin sabitləşdiriləcəyini bəyan edib.