Türkiyədə yerli vaxtla saat 21:00-da dünyada sürətlə yayılan yeni növ koronavirusa (COVID-19) qarşı fasiləsiz mübarizə aparan tibb işçilərinə dəstək məqsədilə martın 20-də ikinci dəfə alqışlama aksiyası keçirilib.

Bu nəcib aksiya Türkiyənin Səhiyyə naziri Fahrettin Kocanın çağırışı əsasında reallaşıb. Vətəndaşlar evlərinin eyvanlarına çıxaraq eyni anda tibb işçilərini alqışlayıblar.

Qeyd edək ki, COVID-19 infeksiyasının yayılmasına qarşı mübarizədə Türkiyə ən qabaqcıl ölkələrdəndir. Türkiyə hökuməti virusdan qorunmaq üçün ciddi izolyasiya tədbirləri görüb. Ən son məlumata görə, hazırda yeni növ koronavirusadan 9 nəfər ölüb, 670 nəfərdə isə yoluxma faktı qeydə alınıb. Ankara, İstanbul, Kayseri, Kocaeli və Konyada çox sayda insan karantində saxlanılır.