Martın 28-də Yaponiyanın şimalında yerləşən Aomori və Hokkaydo prefekturaları rayonunda 4,9 bal gücündə zəlzələ baş verib.

Yaponiya Meteorologiya Agentliyi xəbər verir ki, sunami xəbərdarlığı elan edilməyib.

Yeraltı təkanların episentrinin Sakit okeanda, Hönşyü və Hokkaydo adaları arasında, ocağının isə okean dibinin 60 kilometr dərinliyində olduğu bildirilir.

Dağıntılar və zərərçəkənlər barədə hələlik məlumat verilmir. Yeraltı təkanların Akita və İvate prefekturalarında da hiss edildiyi qeyd edilir.