Son 12 saat ərzində Özbəkistanda COVID-19 koronavirusuna yoluxanların sayı 15 nəfər artaraq 205-ə çatıb.

Özbəkistanın Səhiyyə Nazirliyi xəbər verir ki, indiyədək koronavirusdan 25 xəstə tam sağalıb və reabilitasiya mərkəzinə göndərilib, 10 xəstənin vəziyyəti yaxşılaşır, 2 adam ölüb.

Xatırladırıq ki, Özbəkistanda aprelin 1-dən COVID-19 koronavirus təhlükəsi ilə bağlı Daşkənd şəhəri, Qaraqalpaqstan Respublikası və vilayətlərdə yaşı 65-dən yuxarı olan insanlar özünütəcrid rejiminə keçib. Onlar yalnız yaşadıqları məhəllədən zəruri ərzaq və dərman vasitələri almaq üçün küçəyə çıxa bilərlər.