Ötən gün ərzində Rusiyanın 32 regionunda 582 nəfər koronavirus infeksiyasına yoluxub.

Ölkənin koronavirusun yayılması ilə mübarizə üzrə baş qərargahının məlumatına görə, bu, əvvəlki günlə müqayisədə 19 hal azdır. Hazırda koronavirusa yoluxanların ümumi sayı 4731 nəfərə çatıb. Gün ərzində 9 pasiyent ölüb, 52 nəfər sağalıb. Xəstələrin əksəriyyəti – 434 nəfəri Moskva sakinidir. Paytaxtda ümumilikdə 3357 COVID-19 xəstəsi var. Yoluxanların 67-i yaşı 65-dən çox olan insanlar, 14 nəfəri isə uşaqdır.