Bakı Şəhər Mədəniyyət Baş İdarəsinin Səbail rayon Mərkəzləşdirilmiş Kitabxana Sisteminin 3 nömrəli filialı Cəlil Məmmədquluzadənin baş redaktoru olduğu "Molla Nəsrəddin" jurnalının yaranma tarixi ilə bağlı virtual sərgi hazırlayıb.

İdarədən bildirilib ki, sərgidə Şərqdə böyük əks-səda doğurmuş, insanları cəhalətdən ayırıb, maariflənməyə çağıran jurnal haqqında, burada yazıları ilə çıxış edən müəlliflərdən, həmçinin işıqlandırılan mövzulardan bəhs olunub.