Böyük Britaniyanın müdafiə naziri Filip Hammond dünya ölkələrini İrana qarşı sanksiyaları sərtləşdirməyə çağırıb.
İRİB-in məlumatına görə, o, “The Observer” qəzetinə müsahibəsində bildirib ki, bu yolla İranın nüvə fəaliyyətlərinin qarşısını almaq olar.
F.Hammond deyib ki, İranın beynəlxalq bankçılıq sistemi ilə əlaqəsinin tamamilə kəsilməsi və yeni ticarət sanksiyalarının tətbiq edilməsi istiqamətində bir sıra görüşlər keçirilir. Onun sözlərinə görə, sanksiyalar Tehran küçələrində öz təsirini göstərərsə, İran mübahisəli nüvə proqramı ilə bağlı mövqeyini dəyişə bilər.