Bu gün Fransa 6 min 27-si reanimasiya şöbələrində ağır vəziyyətdə olmaqla 31 min 190 koronavirus xəstəsi var.

Bu haqda Fransanın səhiyyə üzrə baş direktoru Jerom Salomon mətbuata açıqlamasında bildirib.

Onun sözlərinə görə, COVID-19 pandemiyası başlayandan ölkədə 11 min 478 nəfər xəstəxanalarda, 7 min 233 nəfər qocalar evində olmaqla 18 min 681 ölüm faktı qeydə alınıb. Son bir sutka ərzində ölənlərin sayı 761-ə çatıb.

Epidemiya başlayandan COVID-19 virusundan sağalanların sayı 34 min 420-yə çatıb.

Fransada 147 min 969 insanın koronovirusa yoluxduğu bildirən səhiyyə üzrə baş direktor fransızları təcrid olunma rejiminin qaydalarına riayət etməyə çağırıb.