Ukraynada son sutkada 343 nəfər koronavirusa tutulub.

Ölkənin Səhiyyə Nazirliyinə istinadla xəbər verir ki, son sutkada Ukraynada koronavirusa yoluxanların sayı 5449 nəfərə çatıb.

Ukraynada son sutkada 8 nəfər ölüb. Ümumilikdə, koronavirusdan ölənlərin sayı 141 nəfərə çatıb. Ölənlərin 85 faizində ürək-damar xəstəlikləri, şəkərli diabet, böyrək çatışmazlığı kimi xəstəliklər olub. 347 nəfər tam müalicə olunaraq evlərinə buraxılıb.

Ukraynada koronavirusa yoluxanların 60 faizi 30-59, 20,7 faizi isə 60-100 yaşlı insanlardır.

Qeyd edək ki, ölkədə aprelin 24-dək bütün beynəlxalq uçuşlar dayandırılıb, karantin elan edilib.