Misirdə son sutka ərzində COVID-19 virusundan 20 nəfərin öldüyü bildirilir. Həyatını itirənlərin arasında Əl-Xamis onlayn portalının şöbə müdiri, gənc idman müxbiri Mahmud Riyad da var.

Misirin Səhiyyə Nazirliyi ölkədə koronavirusdan ölüm hallarının 337 nəfərə çatdığını bildirib. Qeyd olunub ki, aprelin 27-də COVID-19 virusuna 248 yoluxma halı qeydə alınıb və xəstələrin ümumi sayı 4782 nəfərə çatıb. Bundan başqa, son sutka ərzində 60 pasiyentin sağaldığı, karantin xəstəxanalarında tam müalicə edilənlərin ümumi sayının isə 1236 nəfərə çatdığı bildirilib.