Tacikistanda COVID-19-a yoluxan 15 nəfərin olduğu rəsmi şəkildə etiraf edilib.

Bu haqda Tacikistan Səhiyyə Nazirliyi məlumat yayıb. Bildirilir ki, bu virus Düşənbədə 10 nəfərdə, Soqd vilayətində 5 nəfərdə aşkar olunub.

Nazirliyin rəsmi məlumatına görə, bu il fevralın 1-dən aprelin 30-dək Tacikistanda 10937 nəfər karantində olub, 8438 nəfər evə buraxılıb. Hazırda 2 min nəfər xəstəxanadadır. Bunun üçün Düşənbənin altı xəstəxanası ayrılıb. Pasiyentlərin yaş həddi 18-dən 80-nə qədərdir.