İranda son bir gün ərzində koronavirusdan 65 yeni ölüm faktı qeydə alınıb. Bununla da, ölkədə infeksiya qurbanlarının sayı 6156 nəfərə çatıb.



Bu barədə məlumat yayan İran Səhiyyə Nazirliyinin sözçüsü Kiyanuş Cahanpur son 1 sutka ərzində 802 yoluxma faktı ilə ölkədə koronavirusa yoluxmuş şəxslərin sayı 96448 nəfərə yüksəlib. Onlardan bu günə qədər 77 min 350 nəfər sağalaraq evə buraxılıb.



Cahanpur sonda bildirib ki, xəstələr içərisində vəziyyəti ağır olan 2787 nəfər hazırda intensiv terapiya şöbələrində müalicələrini davam etdirirlər.