Yaponiyanın cənubunda, Kyüşü adasının Sakit okean sahillərində 6 bal gücündə zəlzələ baş verib.

Yaponiya Meteorologiya Agentliyi xəbər verir ki, yeraltı təkanların ocağı dənizin dibindən 10 kilometr dərinlikdə yerləşib.

Zəlzələ Kaqoşima, Miyazaki və Kumamoto prefekturalarında hiss olunub. Dağıntılar və zərərçəkənlər barədə məlumat verilmir. Sunami təhlükəsi elan edilməyib.