Mayın 11-də İndoneziyanın şərqində yerləşən Tanimbar adaları yaxınlığında 5,6 bal gücündə zəlzələ olub.

Bu barədə ABŞ Geoloji Xidməti məlumat yayıb.

Yeraltı təkanların episentri Saumlaki yaşayış məntəqəsindən 259 kilometr şimal-qərbdə, ocağı 10 kilometr dərinlikdə yerləşib.

İndoneziya Meteorologiya, Klimotologiya və Geofizika İdarəsinin yaydığı məlumata görə, zəlzələnin gücü 5,7 bal təşkil edib.

Dağıntılar və zərərçəkənlər barədə məlumat verilmir. Sunami xəbərdarlığı elan edilməyib.