İranın Hərbi Dəniz Qüvvələrinin (HDQ) Oman dənizində keçirdikləri manevr zamanı partlayış baş verib.

İranın HDQ yaydığı açıqlada xəbər verir ki, partlayış “Konarak” hərbi gəmisində olub. Nəticədə 1 dənizçi ölüb, 12 nəfər isə Çabahar şəhərinin xəstəxanasına yerləşdirilib.

Açıqlamada qeyd olunur ki, partlayışın baş vermə səbəbi araşdırılacaq.

Qeyd edək ki, “Konarak” gəmisi hərbi yükləri daşımaq üçün nəzərdə tutulub.