Suriyada fəaliyyət göstərən PKK terrorçularından daha ikisi Türkiyənin Mardin bölgəsində təhlükəsizlik qüvvələrinə təslim olub.

Bu barədə Türkiyənin Daxili İşlər Nazirliyi məlumat yayıb.

Bildirilib ki, ilin əvvəlindən bəri PKK sıralarından qaçıb təslim olan terrorçuların sayı 78-ə çatıb.

Antiterror əməliyyatları uğurla davam edir. Daxili İşlər naziri Süleyman Soylunun məlumatına görə, mayın 13-də ölkədə aparılan antiterror əməliyyatları nəticəsində daha beş terrorçu məhv edilib. Onlardan ikisi təhlükəli terrorçu kimi axtarışda olub.