İranın Dezful şəhərinin Razi klinikasının tibbi personalından olan Hüseyn Codəki koronavirusdan ölüb.



Yayılan məlumata əsasən, “Covid-19” infeksiyasına yoluxmuş xəstələrin müalicəsi ilə məşğul olduğu zaman özü də xəstəliyə yoluxan Dezful Tibb Elmləri Universitetinin tanınmış kadrlarından olan Hüseyn Codəki, mayın 14-də müalicə aldığı şəhər xəstəxanasının reanimasiya şöbəsində keçinib.



Həkimin koronavirusa konkret nə vaxt və necə yoluxması barədə hər hansı məlumat yayılmayıb.



Qeyd edək ki, Dezful İranın etnik ərəblərin yaşadığı Xuzistan əyalətinin şəhərlərindən biridir.