Litvada koronavirusa (COVID-19) yoluxanların sayı 1534 nəfərə çatıb.

Bu barədə Litvanın Səhiyyə Nazirliyi məlumat yayıb. Bildirilib ki, epidemiya yayılandan bəri ölkədə 224 min 40 nəfər müayinə olunub. Son sutka ərzində COVID-19 virusuna görə 7793 nəfərdən analiz götürülüb və 11-nin nəticəsi müsbət çıxıb.

Ölkədə COVID-19-dan 55 ölüm faktı qeydə alınıb. Sağalanların sayı isə 988 nəfərdir.

Litvada virusa yeni yoluxma hallarının artacağı istisna olunmur.