İranda 2012-ci ilin ilk yarısında 200 nəfərdən çox insan edam edilib.Bu barədə İranın İnsan Haqlarının Müdafiə Cəmiyyəti bəyanat yayıb.

Təşkilatın sədri Əbdülkərim Lahici jurnalistlərə açıqlamasında bildirib ki, bu rəqəmlər dövlət tərəfindən verilən statistikadır: “Həqiqi edam sayı isə rəsmi rəqəmlərdən daha çoxdur”.

Qeyd edək ki, İranda Fəalların İnsan Haqları Agentliyinin yaydığı xəbərə görə, 2011-ci ilin oktyabr ayından 2012-ci ilin oktyabrına qədər İranda 488 nəfər edam edilib, 333 nəfərə isə məhkəmə tərəfindən ölüm hökmü çıxarılıb.