İranın Kürdüstan əyalətinin Mərivan şəhərində "Sepah" terror təşkilatı ilə kürd terrorçuları arasında atışma baş verib.



Bu barədə məlumat yayan "Sepah" 2 terrorçunun öldürüldüyü, 4 nəfərinin isə yaralandığını bəyan edib.



Məlumatda silahlı qarşıdurmanın İranın qərbində 8 nəfərlik dəstə ilə yaşandığı bildirilir. Lakin "Sepah" həmin silahlıların hansı kürd qruplaşmasına bağlı olduqlarını açıqlamayıb.



Qeyd etmək lazımdır ki, bir neçə gün öncə kürd terrorçuları ilə Divandərədə silahlı toqquşmada 1-i polkovnik olmaqla, 2 "sepahçı" həlak olmuşdu.