Bu barədə, Ərdəbil Tibb Universitetinin rektoru Şəhram Həbibzadə, iyunun 5-də mediaya açıqlamasında pandemiya qurbanlarının yeni statistikasını açıqlayaraq məlumat yayıb.



Şəhram Həbibzadənin dediyinə görə, Ərdəbil əyalətində pandemiya yoluxucu xəstəliyinə yoluxanlardan 2033 nəfəri tam sağalaraq evə buraxılıb, 106 nəfər isə hazırda əyalətin müxtəlif şəhərlərinin xəstəxanalarında müalicə alır.



O, hazırda vəziyyəti ağır olduğuna görə 38 xəstənin xüsusi rejimli xəstəxanalarda müalicə aldığını bildirərək, son bir gün ərzində Ərdəbil əyalətində koronavirusdan ölənlərin olmadığını açıqlayıb.



Qeyd edək ki, Güney Azərbaycanın digər bölgələrində, o cümlədən də Şərqi Aərbaycan, Qərbi Azərbaycan, Zəncan, Qəzvin və Həmədan əyalətlərində koronavirus qurbanlarının yeni statistikası yayılmayıb.