İyunun 9-da İndoneziya sahillərində 5,6 bal gücündə zəlzələ olub. AZƏRTAC xəbər verir ki, bu barədə ABŞ Geoloji Xidməti məlumat yayıb.

Yerli vaxtla saat 9:56 dəqiqədə qeydə alınan yeraltı təkanların episentri Ambon şəhərindən 209 kilometr cənub-qərbdə, ocağı 10 kilometr dərinlikdə yerləşib.

Dağıntılar və zərərçəkənlər barədə hələlik məlumat verilmir. Sunami xəbərdarlığı elan edilməyib.