Bu barədə, İran Səhiyyə Nazirliyinin yeni sözçüsü Sima Sadat Lari iyunun 9-da mediaya açıqlamasında məlumat yayıb.


Sima Sadat Larinin dediyinə görə, bununla da ötən bir gün ərzində İranda koronavirusdan həyatını itirənlərin ümumi sayı 8425 nəfərə, pandemiya yoluxucu xəstəliyinə yoluxanların sayı isə 175 min 927 nəfərə yüksəlib.


Yeni sözçü həmçinin bildirib ki, son 24 saatda xəstəlikdən tam sağalıb evə buraxılanların sayı da artaraq, 138 min 457 nəfərə çatıb. Hazırda isə “Covid-19” infeksiyasına yoluxan və xüsusi rejimli xəstəxanalarda müalicə alan 2639 nəfərin vəziyyətinin ağır olduğu bildirilir.


Sima Sadat Lari ölkədə bu günə qədər koronavirusdan ölənlərin sayının 8425 nəfərə, yoluxanların sayının isə 175927 nəfərə çatdığı iddia etsə də, İranın tibb mərkəzlərində çalışan müstəqil mənbələr, ölkədə indiyə qədər “Covid-19” infeksiyasından ölənlərin sayının 51 min nəfəri keçdiyini, 1 milyon 100 min nəfərdən çox insanın isə infeksiyaya yoluxduğunu bildirirlər.