Abşeron rayonu ərazisində Ceyranbatan su anbarının yaxınlığında yenidən yanğın başlayıb.

Fövqəladə Hallar Nazirliyindən (FHN) bildiriblər ki, quru ot və kol-kos sahəsində təqribən iki hektar ərazidə yanğın olması ilə əlaqədar nazirliyin Dövlət Yanğından Mühafizə Xidmətinin canlı qüvvə və texnikasını və Mülki Müdafiə Qoşunlarının şəxsi heyətini cəlb etməklə yanğına qarşı təcili və təxirəsalınmaz tədbirlər həyata keçirilir.

Hal-hazıradək yanğın nəzarətə götürülüb və yayılmasının qarşısı alınıb. Yanğınsöndürmə işləri davam etdirilir.

Əlavə məlumat veriləcək.