Məhkəmə onu Suriyanın dövlət vəsaitlərini qanunsuz olaraq ələ keçirib, 90 milyon avro dəyərində ev, ofis və digər mülklər alaraq, Fransada əmlak imperatorluğu qurmaqda ittiham edib. Hökmə əsasən, onun London və Parisdə olan mülkləri müsadirə ediləcək.


82 yaşlı Suriyanın sabiq vitse-prezidenti Rifat Əsəd ittihamları rədd edib və vəkilləri onun apellyasiyaya şikayəti verəcəyini deyiblər.


2019-cu ilin dekabr ayından daxili qanaxma səbəbindən xəstəxanada müalicə alan Əsədin əmisi məhkəmədə iştirak edə bilməyib. Onun Londonda olan mülklərininin dəyəri 29 milyon avro təxmin edilir.


Bir vaxtlar Suriyada 3-cü ən nüfuzlu şəxs hesab edilən Rifat Əsəd 1982-ci ildə Hamada Hafiz Əsədə qarşı baş vermiş üsyanın amansızlıqla yatırılmasında roluna görə "Hama qəssabı" adlandırılır.


1984-cü ildə qardaşı Hafiz Əsədə qarşı reallaşdırdığı çevrilişin uğursuzluqla nəticələnməsindən sonra ölkənə qaçıb, ötən illər ərzində Fransa və İspaniyada məskunlaşıb.