O bildirib ki, Hormozqanda son bir sutka ərzində daha 13 ölüm halının aşkarlanması ilə “Covid-19” infeksiyasından ölənlərin sayı 147 nəfərə yüksəlib: “Xəstəlikdən ölənlər isə Bəndər Abbas, Minab, Bəndər Lengə və Qeşm adasının sakinləridir. Ölənlərdən 12-si kişi, biri isə qadındır. Onların yaş həddinə gəlincə, həyatını itirənlərdən ən kiçiyinin 37, ən yaşlısının isə 87 yaşı olub.


Hazırda isə, əyalətdə koronavirusa yoluxan 184 nəfər müxtəlif xəstəxanalarda müalicə alır və onların 42 nəfərinin vəziyyəti ağırdır.


Bir daha bildiririk ki, xəstəliyin yayılmasının qarşısını almaq üçün vətəndaşlar gigiyena qaydalarına riayət etməli, məsafə saxlamalı, toy və yas mərasimlərini keçirməkdən və ya bu kimi mərasimlərə qatılmaqdan çəkinməlidirlər” -deyə, Hormozqan əyalətinin Tibb Universitetinin ictimai əlaqələr şöbəsinin rəhbəri Fatimə Novruziyan bəyan edib.