Bu barədə məlumat yayan Tehran şəhərinin polis rəisi Hüseyn Rəhimi saxlanılarkən həmin şəxslərin evində 1-i 20 günlük, digəri isə 2 aylıq olan 2 körpənin olduğunu deyib.


O qeyd edib ki, saxlanılanların biri 27 yaşlı gəncdir və onlardan heç biri əvvəllər məhkum edilməyib.


Hüseyn Rəhiminin sözlərinə görə, saxlanılanlar həmin körpələri kasıb ailələrdən cüzi məbləğ qarşılığında aldıqlarını deyiblər.


Tutulanlardan biri kasıblıq səbəbindən bu işə əl atdıqlarını deyib. O, öz əməllərini müdafiə edərək, bununla həmin uşaqların da daha yaxşı həyat yaşamasına səbəb olduqlarını bildirib.


Qeyd etmək lazımdır ki, son günlər sosial şəbəkələrdə, xüsusilə də "İnstagram"da İranda onlayn şəkildə körpələrin satışı ilə bağlı reklamlar yayılırdı.