Yerli media orqanlarının məlumatına görə, güclü səslə müşayiət olunan partlayışdan meydana gələn alov paytaxtın bir çox bölgəsindən görünüb.


İran Müdafiə Nazirliyinin ictimaiyyətlə əlaqələr şöbəsinin rəhbəri Davud Əbdi faktla bağlı bildirib ki, hadisə axşam saat 00:30 radələrində Parçin bölgəsində qaz çəninin partlamasından meydana gəlib və alov artıq yanğınsöndürənlər tərəfindən söndürülüb.


O, partlayış nəticəsində ölən və ya yaralanın olmadığını deyib.


Faktla bağlı araşdırmalar başlayıb.



Qeyd etmək lazımdır ki, hadisə baş verən ərazidə İran Müdafiə Nazirliyinə məxsus mərkəzlər yerləşir.