İranın Xuzistan vilayətindən keçən qaz boru xəttində dünən axşam saatlarında güclü partlayış baş verib.

İran mətbuatının məlumatına görə, hadisə yerinə dərhal İran Qızıl Aypara Cəmiyyətinin xilasediciləri və yanğınsöndürənlər cəlb olunub. Partlayış yaşayış məntəqələrindən uzaq məsafədə baş verdiyi üçün insan tələfatı olmayıb. Hadisənin vurduğu zərər və baş vermə səbəbi ilə bağlı hələlik mətbuata açıqlama verilməyib.