Rəsmi Tehran 20 minə qədər siyasi məhbusu gizli şəkildə edam etməkdə ittiham olunur.

Haaqa tribunalı İranla bağlı işə baxacaq. Tribunal 1980-ci illərdə İranda 20 minə qədər siyasi məhbusun gizli edamını araşdıracaq. Tribunalın açılması barədə müraciət edən hüquq müdafiəçiləri qərarın hüquqi qüvvə daşımayacağını bildirib. Hüquq müdafiəçiləri İran rejimini dissidentləri (müxalifləri) oğurlayaraq işgəncələrə məruz qoymaqda və kütləvi edamlarda ittiham edir. Tribunalın əsas məqsədi rəsmi orqanları bu qətlləri törədənləri məsuliyyətə cəlb etməyə inandırmaqdır.

İran hökuməti isə beynəlxalq qanunların pozulmadığını bildirir.