Ötən gecə İranın Sistan-Bəlucistan vilayətində terror aktı törədilib.

Mehr xəbər agentliyi xəbər verir ki, İran silahlı qüvvələrinə məxsus 3 hərbi avtomobil Zahidan-Haş avtomobil yolunda hərəkətdə olan zaman silahlı hücuma məruz qalıb. Hücum nəticəsində İran ordusunun tağım komandiri həlak olub.

Silahlı hücumun “Ceyşul-Ədl” terror təşkilatı tərəfindən törədildiyi bildirilir.

İranın xüsusi xidmət orqanları terror aktı ilə bağlı araşdırmalara başlayıblar.