Bu barədə, Urmiya Gölünün Bərpası Qərargahının Qərbi Azərbaycan əyaləti üzrə ofisinin rəhbəri Fərhad Sərxoş məlumat verib.

Sərxoş bildirib ki, su səviyyəsi hazırda keçən il ilə müqayisədə 10 santimetr azalıb.





Həmçinin Urmiya gölündə suyun həcmi 4.53 milyard kubmetr olub. Ötən ilin analoji dövrü ilə müqayisədə 31 milyon kubmetr azalıb.





Gölün ərazisi isə hazırda 3 min 74 kvadrat kilometrdir. Sərxoş bu rəqəmin keçən il ilə müqayisədə 66 kvadrat kilometrdir azalma göstərdiyini bildirib.





Qeyd edək ki, son illərdə Urmiya gölünə axan çayların üzərində 30-dan çox bəndin tikilməsi, eləcə də gölün üzərində suyunun sirkulyasiyasının qarşısını alan 14 kilometr uzunluğunda yolun salınması nəticəsində dünyanın 3-cü ən böyük duzlu gölü sürətlə qurumağa başlayıb.