Güney Azərbaycanda türk və Azərbaycan kimliyi getdikcə güclənir və qurtuluşa dəlalət edən ünsürlərin ortalığa çıxdığı müşahidə olunur.

Bir zamanlar qeyri mümkün görünən işlər, indi Güney Azərbaycanda gündəlik həyata çevirilib və adi hal sayılır. Azərbaycanın müqəddəs üçrəngli Bayrağı yavaş-yavaş boğçalardan çıxır və küçə-bacada görünməyə başlayıb.

Dünən Urmuda ETTELAAT idarəsinin şöbələrinin birinə olduqca yaxın yerdə yerləşən Şəhərçayı körpüsü üzərində Azərbaycan Bayrağı dalğalandırılıb. Bayraq Milli Hərəkat fəalları tərəfindən körpüdən asılıb. Məlumata görə, Azərbaycan bayrağını görən avtomobil sürücüləri durmadan siqnal çalıb və bu şəkildə öz sevinclərini brüzə veriblər. Bayraq 30 dəqiqə körpüdən asılı qaldıqdan sonra hökumət qüvvələri tərəfindən endirilib.