Bu barədə məlumat yayan İran Səhiyyə Nazirliyinin sözçüsü Sima Sadat Lari bildirib ki, son 24 saat ərzində 2349 nəfərin Covid-19 infeksiyasına yoluxduğu aşkarlanıb. Bununla da, ölkədə indiyədək pandemiyaya yoluxanların ümumi sayı 259 652 nəfərə çatıb.


Sima Sadat Larinin sözlərinə görə, xəstələrdən 222 539 nəfəri tam sağalaraq evə buraxılıb.


Hazırda ağır vəziyyətdə intensiv terapiya şöbələrində müalicə alan Covid xəstələrinin sayı isə 3375 nəfərdir.