"Twitter" səhifəsində yazdığı statusda Ermənistanı bəzi ölkələrin əlaltısı adlandıran millət vəkili qeyd edib ki, regionda sülh və sabitliyi pozan rəsmi İrəvandır.


"Ermənistan axmaqlıqlarına davam etməzdən qabaq region ölkələri və millətlərinin eyni din və dili daşıdıqları Azərbaycan xalqının yanında olduqlarını anlasa, daha yaxşı olar", deyə Ruhullah Həzrətpur əlavə edib.


O, həmçinin Ermənistan rejimini yağı və işğalçı adlandıraraq, Qarabağ torpağının Ermənistanın işğalında qalmayacağını deyib.


Qeyd etmək lazımdır ki, İran Milli Məclisinin Milli Təhlükəsizlik və Xarici Siyasət Komissiyasının da üzvü olan Ruhullah Həzrətpurun verdiyi reaksiyada Ermənistanı işğalçı adlandırması xüsusi diqqət çəkib. Çünki İran hökumətinin rəsmiləri Dağlıq Qarabağ barəsində danıışan zaman işğal sözünü istifadə etmirlər.