Yaponiyada iyulun 4-dən davam edən güclü yağışlar səbəbindən əmələ gələn daşqınlar və torpaq sürüşmələri nəticəsində həlak olanların sayı 76 nəfərə çatıb.

NHK telekanalı xəbər verir ki, daha 13 nəfərin itkin düşdüyü bildirilir.

Xəbər verdiyimiz kimi, Yaponiyanın cənub –qərbində iyulun 4-dən başlayan güclü yağışlar səbəbindən əmələ gələn daşqınlar və torpaq sürüşmələri nəticəsində 15 mindən çox ev dağılıb.

Sinoptiklər yağışların həftənin sonunadək davam edəcəyini proqnozlaşdırırlar. Yağışların səngidiyi ərazilərdə isə əhalini ehtiyatlı olmağa çağırırlar. Belə ki, güclü yağışların yumşaltdığı ərazilərdə torpaq sürüşmələrinin baş verməsi tamamilə mümkündür.